എന്റെ സിരകളിലേക്ക് സ്നേഹത്തിന്റെ അമൃത് ചാലിക്കുകയാണവര് ആദ്യം ചെയ്തത്...!
പിന്നെ, വേര്പിരിയാനാകാത്ത വൈകാരിക ബന്ധത്തിന്റെ നേര്ത്ത ചുംബനം സമ്മാനിച്ചു...!!
കാലിടറി വീഴുന്ന ഓരോ ചുവടിലും ഒരു നെഞ്ചിടിപ്പോടെ ഓടിവന്നു എനിക്കുനേരെ കാരുണ്യത്തിന്റെ കരങ്ങള് നീട്ടിത്തന്നു..!
ഉറക്കത്തിലേക്കു മിഴിയടക്കുമ്പോഴെല്ലാം പട്ടുമെത്തയുടെ ഓരത്തിരുന്നു എന്റെ തലമുടി ഇഴകളിലൂടെ വിരലുകളോടിച്ചു എന്റെ നിദ്രയെ സുഖമുള്ളതാക്കി..!!
വിശപ്പിന്റെ വിളികളില് കരിപ്പുകക്കുളില് നിന്നും കിതച്ചും ചുമച്ചും ഓടിവന്നെനിക്ക് ചിരിക്കുന്ന മുഖത്തോടെ സ്നേഹത്തിന്റെയും ദയയുടെയും സദ്യ വിളമ്പി..!
വികൃതികളിലേക്കും കുസൃതികളിലേക്കും വഴുതി വീഴുമ്പോഴെല്ലാം എന്റെ ചെവിയില് മൃദുവായി നോവിച്ചുകൊണ്ട് നന്മയുടെ നാട്ടുവഴികളിലേക്ക് നടത്തിച്ചു...!!
സ്വയം ഉണ്ണുവാനും ഉറങ്ങുവാനും മറന്നുകൊണ്ടവര് എന്റെ വളര്ച്ചയിലേക്ക് നോക്കി ആനന്ദിച്ചു...!
ഇതൊക്കെയാണ് ഞാനറിഞ്ഞ എന്റെ അമ്മ / ഉമ്മ..!!
ചുരുക്കിപ്പറഞ്ഞാല്,
ചുരുക്കിപ്പറയാനാവാത്തവിധം വളര്ന്നു പന്തലിച്ചുകൊണ്ടേയിരിക്കുന്ന ഒരു നന്മ മരം...!!!!
(സമര്പ്പണം: എന്നില് നന്മ വളര്ത്തിയ എന്റെ പ്രിയപ്പെട്ട ഉമ്മാക്ക്..)
ദൈവം സാക്ഷി.. ഇതെഴുതുമ്പോള് എന്റെ മിഴികള് നിറഞ്ഞതെന്തിനാവാം..
