അവസ്ഥാന്തരം

ആദ്യമുണ്ടായത് മനസ്സിലൊരു മിന്നല്‍പ്പിണറായിരുന്നു..!!
ആദ്യം തോന്നിയതും അങ്ങിനെതന്നെ..!!!

പിന്നീടത് ചങ്കിലാരോ പിടിമുറുക്കുന്നത് പോലെയായി.
ശ്വാസംമുട്ടി മരിച്ചു പോകുമെന്ന് തോന്നി..!!

ഒടുവില്‍ പിടഞ്ഞു പിടഞ്ഞു തളര്‍ന്ന് വീണു..!!

പിന്നെ കനമില്ലാതെ വായുവില്‍ പറന്നു നടക്കുന്ന അപ്പൂപ്പന്‍താടിയായി മാറി...!!

പതിയെ പതിയെ മനസ്സിലെ വെളുത്ത തിരശ്ശീലയില്‍ നിറയെ കറുപ്പും ചുവപ്പും വരകളും കുറികളും നിറഞ്ഞു പെരുകാന്‍ തുടങ്ങി..!!!

പിന്നീടങ്ങോട്ട് ചിരിയായിരുന്നു..!!
കാരണമില്ലാതെ നിര്‍ത്താതെയുള്ള ചിരി..!!!

എന്തിനു ചിരിക്കുന്നു എന്നറിയാതെ ഞാനിപ്പോഴും ചിരിച്ചു കൊണ്ടേയിരിക്കുന്നു..
പക്ഷേ, കാലിലെ ചങ്ങലകള്‍ക്കറിയാമായിരുന്നു ആ ചിരിയുടെ പൊരുള്‍..!!!